قصص اطفال قبل النوم مكتوبة بالعامية المصرية | قصة الذئب والخنازير الثلاثة

بتدور القصة دي حوالين 3 خنازير إخوات، كل واحد فيهم عنده تفكير مختلف لتصميم بيته، لكن الذئب الشرير كان ناوي يوقعهم واحد ورا التاني! يلا نعيش مع بعض واحدة من قصص اطفال قبل النوم مكتوبة بالعامية ونعرف النهاية.

حدوتة الخنازير الثلاثة والذئب الشرير | قصص اطفال قبل النوم مكتوبة بالعامية

كان يا مكان كان في ثلاثة خنازير صغيرة، كانوا عاوزين يبنوا بيت يحميهم من الذئب الشرير، فقال الأخ الكبير: إيه رأيكم لو نبني بيت واحد ويكون قوي. الأخ الاوسط والأصغر رفضوا الفكرة، لأنهم كساله ومش بيحبوا الشغل. الأخ الصغير كان كسول فبنا بيته بالقش، والأوسط بناه بالحطب، أما الكبير كان نشيط فقرر يبني بيته بالطوب والأسمنت.

وفي يوم من الأيام جيه الذئب الشرير يخبط على الخنازير التلاته، راح للخنزير الصغير: أوووو أفتح الباب قبل ما أنفخ وأوقعلك البيت بتاعك. رد عليه الخنزير الصغير: ما تقدرش تعملها، نفخ الذئب ووقعله البيت، هرب الخنزير الصغير عند أخوه الأوسط.

راح الذئب عندهم البيت اللي معمول من الخشب، وقال: أفتحوا الباب وإلا هوقع البيت. رد عليه الخنزير الوسطاني: يلا ورينا لو تقدر. نفخ الذئب فوقع البيت. وحاول يمسكهم بس هربوا منه على بيت الأخ الكبير.

ولما فتحلهم الباب دخلوا جوا وكانوا خايفين جدا، راح الذئب للخنازير وهددهم لو ما فتحتوش هنفخ وأوقع البيت، خاف الخنزير الأوسط والأصغر، وعرفوا أن نهايتهم قربت، بس الأخ الكبير كان واثق من نفسه وقاله: ورينا مهاراتك يا ديب. فضل الذئب ينفخ وينفخ لحد ما تعب والبيت ما حصلش فيه أي حاجه.

فضل الذئب الشرير يفكر في خطه يقدر يوصل بيها للخنازير، وبالفعل لقي المدخنه بتودي لجوه البيت بالضبط. فدخل فيها وفضل ينزل، بس الخنازير عرفت خطته وقررت تولع النار تحت قدر ميه مغلى. والذئب الشرير وقع في القدر وهرب بسرعه بعيد عن الغابه. وبكده إتخلصت الخنازير من الذئب الشرير.

لو عجبتك قصة الذئب والخنازير الثلاثة عندنا حدوتة للاطفال بالمصري قبل النوم ممكن تشوفها: قصة الكتاكيت السبعة والذئب المكار.

العبره من قصة الخنازير التلاته

العبره من القصه، قبل ما تبني لازم تأسس كويس والكسل بيدمر صاحبه. اتعلمنا من قصة النهارده إن الشغل الصح دايمًا بيكسب، وإن الكسل بيخلينا في خطر. لو عجبتك القصة، استنى باقي قصص اطفال قبل النوم مكتوبة بالعامية اللي جاية قريب!