حدوتة للأطفال بالمصري | العصفور الصغير والفيل الطيب والثعلب المكار

بتحب حواديت الحيوانات اللي فيها شوية مغامرة وعبرة حلوة في النهاية؟ تعالى نسمع سوا حدوتة قصيرة عن الفيل الطيب مع العصفور الصغير، ونشوف إزاي الذكاء والتصرف الحلو أقوى من الشكل والمظاهر، خصوصًا لما يدخل الثعلب المكار في اللعبة. تعالوا نكتشف مع بعض حدوتة للأطفال بالمصري عن فيل طيب وعصفور صغير وقع من عشه!

حدوتة للأطفال بالمصري قبل النوم الفيل والعصفور

حدوتة قصيرة مصرية| قصة العصفور والفيل

كان يا ما كان عصور صغير بيعيش مع امه فوق الشجره، وفي يوم من الأيام راحت الأم عشان تجيبله أكل، العصفور ما كانش لسه كبر أو أتعلم الطيران فقرر يقفذ من الشجره فرفرف بجناحه لحد ما وصل على الأرض. فسمع صوت فيل كبير بيضرب الأرض خاف العصور واستخبي منه، لكن الفيل الطيب شاف العصفور وسأله: أيه الجابك على الأرض، أه شكلك وقعت من فوق الشجره ما اتخفش يا حبيبي. وراح الفيل الطيب جبله شوية ورق وحطهم حوليه علشان يدفيه من البرد.

الثعلب المكار شاف كل حاجه وأستغل إنشغال الفيل بالبحث عن الأوراق، وراح الثعلب للعصفور سأله: هو أنت بتعمل إيه هنا؟ قال العصفور: كنت بحاول أطير من العش وفجأه لقيت نفسي وقعت منه. قال الثعلب بمكر: اه على فكره أنا عارف مكان عشك وكمان أمك وممكن أرجعك هناك، بس بشرط لازم تتخلص من الفيل الشرير ده لأنه عاوز ياكلك.

بالفعل لما جي الفيل عند العصفور وجابله ورق كتير عشان يدفي، راح قاله: أنا جعان ممكن تجيبلي أكل يا عمو الفيل. قال الفيل: ماشي يا حبوب بس أو عي تروح مع حد أي مكان علشان في مخلوقات شريره اوي هنا في الغابه.

الثعلب كان بيراقب الفيل نن ورا الشجر وبعد ما أتاكد أنه مشى راح للعصفور الصغير وقله ياله بينا، مشي العصفور مع الثعلب شويه فجأه ملامح وش الثعلب إتغيرت وبين أنيابه للعصفور، العصفور أول ما شاف وش الثعلب الحقيقي إتخض وفضل يصرخ الحقوني عمو الفيل. فيل سمع صوت الصراخ وبسرع راح عند الثعلب وضربه وأنقذ العصفور الصغير المسكين.

لما سأله: ليه ما سمعتش كلامي. رد عليه العصفور: أنا الصراحه كنت خايف منك لأن شكلك كبير قوي، أما الثعلب كان شكله صغير وحلو شويه عنك. ضحك الفيل شويه وقال للعصفور: هو المكار ده كمان لحق يضكك عليك، بس يا طيب انا كنت بس ناوي أساعدك، بس من هنا ورايح لازم تتعلم أنك ما تحكمش على حد من شكله أو حجمه، لكن تحكم عليه من أفعاله ولدبس. أخد الفيل الطيب العصفور الصغير لأمن الكانت قلقانه عليه أوي وبتدور عليه في الغابه كلها، شكرت الأم الفيل ورجع العصفور الصغير لعشه.

العِبرة من حدوتة الفيل للأطفال بالمصري

ما تحكمش على الناس من شكلهم، لكن من تصرفاتهم. زي ما شوفنا، الفيل الطيب أنقذ العصفور رغم شكله الكبير، والثعلب خادعه رغم إنه كان باين عليه لطيف! اتعلمنا إن النية والسلوك هما اللي يفرقوا، مش الشكل أو الحجم. لو عجبتك الحكاية، تابع معانا باقي قصص أطفال قبل النوم مكتوبة بالعامية وهتلاقي كل يوم حكاية جديدة ومفيدة.