قصص اطفال قبل النوم مكتوبة بالعامية | قصة الغرابان الخاسران

كل أب وأم بيحبوا يحكوا لأولادهم حكاية قبل النوم علشان يناموا مرتاحين ويتعلموا حاجة مفيدة كمان. علشان كده جمعنالك هنا واحده من أشهر قصص اطفال قبل النوم مكتوبة بالعامية، خفيفة وظريفة، وفيها عبر حلوة تنفع كل الأعمار. قصة حلوه بالعاميه عن غرابين اخوات طماعين، ومش واثقين في بعض بس وثقوا في مين؟ الثعلب المكار 😄 بس هو إزاي خدعهم ياله بينا نروح ونشوف حدوتة قبل النوم حصل فيها أيه مع الثعلب والغرابين.

حدوتة الغرابين والثعلب المكار | قصص اطفال قبل النوم مكتوبة بالعامية

كان يا مكان في غابة حلوة وجميلة كان في اتنين من الغربان معاهم حتة جبنة عاوزين يقسموها ما بينهم بالعدل، ده يقول انا هقسمها وده يقول أن هقسمها، وفضلوا يضربوا في بعض. وفي الوقت ده كان معدي ثعلب مكار تحتهم فشافهم وهما بيتخانقوا فسألهم عن السبب، قالوله: ربنا رزقنا بحتة جبنه عاوزين نقسمها بالحق، أنا ما وثقش في وهو مش واثق فيا، أنا عاوز أقسمها وهو عاوز يقسمها.

رد عليهم الثعلب: هاتو أنا هساعدك وهفض الخناقة دي فورًا. رموا له حتة الجبنه، راح الثعلب المكار قسمها نصين راح بص في النصين وقال: يا خبر النص ده أكبر من ده لازم أكل حته من هنا علشان يبقوا زي بعض، وفضل الثعلب يأكل من هنا شوية ومن هنا شوية لحد ما أكل الجبنه كلها وهرب بسرعه.

العبره من قصة الثعلب والغرابين بالعاميه

الخناقة بين الإخوات ممكن تخلي حد تاني يضحك عليهم وياخد كل حاجة. فلو الغرابين وثقوا في بعض كان ممكن واحد فيهم ياخد حتة صغيرة والتاني حتة اكبر شويه، بس في الحالة دي، لا ده ولا ده أخد حاجة، وهرب الثعلب.