قصص اطفال قبل النوم مكتوبة بالعامية | قصة الأسد والثعلب

بتحب تحكي حكايات قصيرة لأولادك قبل النوم؟ النهارده جايب لك قصة مسلية جدا باللهجة العامية، فيها عبرة مهمة لأولادنا الصغيرين. يلا نعرف إيه اللي حصل بين الأسد والثعلب والأرنب!

قصص اطفال قبل النوم مكتوبة بالعامية | قصة الأسد والثعلب

كان في أسد شرير في الغابة بيأكل الحيوانات ويخوفهم، الحيوانات قررت تحبسه في قفص، وفعلا حبسوه جوا قفص. وفي يوم من الأيام عدّى عليه أرنب صغير، اترجّاه الأسد يطلعه من القفص ووعده أنه مش هيأذي الحيوانات تاني. الأرنب الطيب صدق الأسد الشرير وطلعه من القفص، ولما طلع قال للأرنب: أنت هتكون فريستي الأولى. فضل يصرخ الأرنب بصوت عالي، سمعه الثعلب وجرى ناحية الصوت، فلقي الأسد عاوز ياكل الأرنب المسكين.

قال الثعلب للأسد: سمعت أنك كنت محبوس جوه القفص ده مضبوط، رد عليه الأسد: أيوه كنت محبوس فيه. قال الثعلب: مش عارف ليه أنا مش مصدقك. الأسد بغضب: أنا هسبتلك إني كنت محبوس فيه بحق وحقيقي. دخل الأسد جوه القفص عشان يثبت للثعلب أنه فعلا كان محبوس فيه، راح بسرعة، الثعلب قفل باب القفص على الأسد، وقال للأرنب: أوعى تصدق الأسد الكذاب ده تاني.

العِبرة من قصة الأسد والأرنب

ما تصدقش اللي كذب عليك قبل كده، حتى لو قال إنه اتغير، لأنه ممكن يغشك تاني. زي الأرنب لما صدق الأسد وفتحله القفص، لكن ذكاء الثعلب حبس شر الأسد تاني.